ایرانوایرین الده ائتدیگی بیلگیلره گؤره، دونن ۳۱ خرداد ۱۴۰۳-جو ایل بازار گونو اوین حبسخاناسیندا ساخلانیلان تورک مدنی فعال و صنعتچی مرتضی پروین جدانین محکمهسی کئچیریلیب.
اوین حبسخاناسیندا قانونسوز حبسینین ۶-جی آییندا اولان چوخشاخهلی صنعتچی و تورک مدنی فعال مرتضی پروین جدا تهران اینقیلاب محکمهسینین ۱۵-جی شؤبهسینده چیخیش ائدهرک ساوونماسینی وئریب.
حاکم ابولقاسم صلواتینین باشقانلیغی ایله کئچیریلن بو اوتورومدا حاکم صلواتی اطلاعات ناظرلیگینین گؤستریشی ایله جناب پروینین اؤنجهکی ایللردهکی براعت قازاندیغی پروندهلری ایله باغلی دا محکمهده سؤز ائدیلیب. حاکم صلواتی مرتضی پروینه دئییب: ایندییه قدر دیندیریلمهمیسینیز و پروندهنیز یاریمچیق قالیب، اونا گؤره ده من سیزین دیندیریلمهنیزی پرونده باشا چاتانا قدر یاخین بیر نئچه گونه و یا بلکه ده آیلارجا تاخیره سالاجاغام.
۱۶، ۱۷ و ۱۸ بهمن-ده آیدا صدیقی خراسانلو، فاطمه آتشی خیاوی، کرامت روحنواز، علیرضا شیرزاد کوچنقی، امیرعلی برادران، یاشار حسین زاده، لطفعلی جباری، سهیلا اصغری، مرتضی پروین جدا، ودود اسدی، سالار طاهر افشار، سعید جمال زاده، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی، سعید دوستان، سلیمان «آیدین» محمدی، کرم مردانه مستعلی بیگلو و عبدالله واحدی، اردبیل، خیاو «مشگین شهر»، رشت، اورمیه، تبریز، اسلامشهر تهران، کرج و آستارا، شهرلرینده، اطلاعات گوجلری طرفیندن حبس ائدیلیب.
یوروم یازماق