هاوا ایستیلیگینین کسکین آرتماسی ایله باغلی ایراندا انرژی پروبلئمی ایله عینی واختدا مئدیا طب مرکزلرینده الکتریکلرین کسیلمهسی بؤحرانی و بعضی خستهخانا و طب مرکزلرینین فعالیتینین پوزولماسی بارهده بیلگی یاییب.
تجارت نیوز خبر سایتی ۳ مرداددان بری مرکزی ایالتینده محلاتین خمینی خستهخاناسیندا الکتریک کسیلمهسی بارهده بیلگی یاییب و یازیب کی، بو حادثه زامانی ۱۸ خسته همودیالیزده ایدیلر.
بو خستهلردن بیرینین یولداشی بو مئدیایا موصاحیبهسینده دئدی: دیالیز جیهازینین انرژیسینین کسیلمهسی خستهلر اوچون جدی شوک دئمکدیر. خستهنین بدنیندن تمیزلنمک اوچون چیخاریلان قان بو جیهازین یاردیمی ایله اونون بدنینه قایتاریلیر و بو جیهازلارین گوجو کسیلدیکده بو دوریه دایانیر.
اونون سؤزلرینه گؤره، محلاتین خمینی خستهخاناسیندا الکتریکلرین کسیلمهسی ۱۵ دقیقهدن چوخ داوام ائدیب و بو مدت ایچینده بعضی قوللوقچولار دیالیز آپاراتلارینی ال ایله چئویرهرک خستهلرین حدّیندن آرتیق شوکا دوشمهسینین قارشیسینی آلماغا چالیشیبلار.
داها اؤنجه ۶ مرداد گونو گیلان طب علملری بیلیم یوردونون رئیسی محمدتقی آشوبی، لاهیجان دا پیروز خستهخاناسیندا الکتریک کسیلمهسی حادثهسی ایله باغلی چیخیش ائدهرک، بو حادثهدن سونرا بو خستهخانانین رئیسینین ایشدن چیخاریلدیغینی بیلدیریب.
انرژی ناظری علیاکبر محرابیان ۶ مرداد دا خبردارلیق ائدیب کی، ایراندا ایستیلیک دالغاسی و الکتریک توکتیمینین آرتماسی سببیندن الکتریک اورتیمی شرطلری چتینلشیب.
یوروم یازماق