ایرانوایره چاتان خبره گؤره، تورک مدنی فعال عباس لسانی ۱۹ مهر ۱۴۰۳-ده ثنا سیستمی واسطهسیله آلدیغی بیلدیریشه گؤره اردبیل اینقیلاب محکمهسینین ایجرا شؤبهسینه چاغیریلیب.
بو تانینمیش آذربایجانلی سیاسی فعالا گؤندریلن بیلدیریشده دئییلیر: “جریمهنیزی اؤدهمک اوچون ۱۰ گون ایچینده بو شؤبهیه گلمهلیسینیز و جریمهنی اؤدهمک اوچون واختیندا گلمکله، یوزده ۲۰ ائندیریم الده ائدهجکسینیز”.
اولا بیلسین کی، جناب لسانینین یزد شهرینده ۳۲ آیلیق مجبوری یاشاماق جزاسی ایله باغلی حؤکمون یئرینه یئتیریلمهمهسیندن سونرا، بو چاغیریش و جریمه اورتایا چیخیب.
۱۰ شهریور ۱۴۰۳-جو ایلده شخصی ائوینده حبس اولوناراق یزد شهرینه کؤچورولن عباس لسانی یزد شهرینده ۲ ایللیک مجبوری قالما امرینه عمل ائتمهیهجهیینی و اردبیل شهرینه قاییداجاغینی بیلدیریب.
داها اؤنجه ۱۲ مهر ۱۴۰۲-ده اردبیل ایالتینین تئمییز محکمهسینین ۱-جی شؤبهسی بو محبوسون حؤکمونو یئرینه یئتیریلمهمهسی ایله باغلی محکمهنین الکترون سیستمی واسطهسیله وئردیگی بیلدیریشده بو تانینمیش تورک فعالین ۲ ایللیک سورگون جزاسینی اوچده بیر آرتیردیغنی بیلپدیریب.
عباس لسانی دؤرد ایل ایکی آیلیق حبسدن سونرا ۲ اسفند ۱۴۰۱-ده اردبیل زیندانیندان آزاد ائدیلدی. او سربست بوراخیلدیقدان درحال سونرا عدليه ایشچیلری اونو حبس ائدهرک ایکی ایل مجبوری سورگون اوچون یزد شهرینه کؤچوردولر.
بونا باخمایاراق، عباس لسانی سورگون قرارینا عمل ائتمهیهجهیینی بیلدیرهرک عینی گون یزددن اردبیله قاییتدی.
عباس لسانی اردبیللی شاعر، یازیچی و مدنی فعالدیر. سون ۲۰ ایلده فعالیتینه گؤره دفعهلرله حبس ائدیلیب و سورگونه محکوم ائدیلیب. اونون «اؤزگورلوک هارایی» آدلی کیتابی دا وار. بو کیتابدا جناب لسانینین مقالهلر، چیخیشلار، شعرلر، موصاحیبهلر و حبسخانادان گؤندردیگی مکتوبلار توپلانیب.
یوروم یازماق