بازار گونو، ۲۵ اردیبهشتده ایران فوتبول لیگاسینین رئیسی حیدر بهاروند داخیلی ایشلر ناظرلیگینین پرئمیئر لیگا اویونلارینین تاماشاچیسیز کئچیریلمهسی ایله باغلی امرینی آچیقلاسا دا، دونن حؤکومت سؤزچوسو علی بهادری جهرمی، جمهورباشقانی یاردیمجیسینین، امری ایله ایران فوتبول پرئمیئر لیگاسینین قالان اوچ هفتهسینده تاماشاچیلارین اولماسینی آچیقلادی.
داها اؤنجه لیگا تشکیلاتی ادعا ائتمیشدی کی، کرونانین پیک حدینه چاتماسینین قارشیسینی آلماق اوچون داخیلی ایشلر ناظرلیگی بیلئتلرین ساتیلماماسینی و ماچلارین تاماشاچیسیز کئچیریلمهسینی طلب ائتدیگینی آچیقلامیشدی.
بازار گونو گئجه اویونلارین کئچیریلمهسینین یئتکیلیسی سهیل مهدی ایرانین دؤولت رادیو و تلویزیونونا موصاحیبهسینده سینمالارین، اوفیسلرین و توپلومسال یئرلرین آچیق اولماسینا تعجبلندیگینی، آنجاق ایلگیلی قوروملارین گؤستریشلرینه عمل ائتدیگینی بیلدیریب.
داخیلی ایشلر ناظرلیگینین اویونلارین تاماشاچیسیز کئچیرمک قراری بعضی تنقیدچیلر اوچون عومومی اعتراضلارین اولدوغو گونلرده ایزدیحامین قارشیسینی آلماق مقصدی داشیییردی.
بو گون (چارشنبه آخشامی) علی بهادری جهرمی اؤز تویتینده یازیب: جمهورباشقانی یاردیمجیسینین امری ایله پرئمیئر لیگانین سونونا قدر تاماشاچیلارین ایشتیراکی ایله فوتبول اویونلاری کئچیریلهجک.
سون ایللرده کوچهلرده خالق اعتراضلاری ایله عینی واختدا بعضی پرئمیئر لیگا یاریشلاری یا تاماشاچیسیز یا دا لغو ائدیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق