اینقیلاب کئشیکچیلرینه باغلی جوان قزئتی کانادا بیزه پپسی آچمایاجاق باشلیقلی یازیسیندا ایران میلی کومانداسی ایله کانادا آراسیندا کئچیریلن یولداشلیق اویونونو ضررلی آدلاندیریب.
جوان قزئتین ایدمان باش یازاری "فریدون حسن" بو یازینین بیر حیصهسینده یازیر: کانادادا یاشایان بعضی ایرانلیلار اوکراینا اوچاغینین قضایا اوغراماسی و کانادادا یاشایان بعضی هم وطنلرینین همین اوچاقدا هلاک اولماسینی بهانه ائدهرک، میلی کوماندانین یولداشلیق اویونو اوچون کانادادا اولماسینی شوبهه آلتینا آلماق و حتی لغو ائتمک ایستهییرلر و بو بیر سیاسی فتنهدیر.
بو راپوردا آیریجا ادعا ائدیلیر کی، ایران-کانادا اویونو فوتبول فدراسیونونون دلاللاری طرفیندن سیفاریش ائدیلیب و ایران میلی کومانداسی اوچون صرفهلی دئییل.
بو خبرده جوان قزئتی فوتبول فدراسیونوندان کانادا میلیسی ایله اویونو اوزاق یول و دوشمنلرین پلانلاری کیمی سببلره گؤره دایاندیرماغی ایستهییب.
جوان قزئتی اینقیلاب کئشیکچیلرینین راکئتی ایله وورولان اوکراینا اوچاغینین قوربانلارینین عائلهلرینی دوشمن اولاراق گؤرور.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق