کانادانین باش ناظری جاستین ترودو ایران و کانادانین یولداشلیق گؤروشونه وئردیگی سون تپکیده ایران میلی کومانداسینین فوتبولچولاری، مشقچیلری و هیئتینه ویزا وئریلمهسینی کانادا سرحد خیدمتلری آژانسینین وظیفهسی آدلاندیریب.
جناب ترودو بیر داها دئدی: بو اویونلا باغلی فیکریم ديیشمهییب. من هله ده بو اویونون یاخشی ایده اولمادیغینی دوشونورم.
جناب ترودو اطمینان وئریب کی، کانادا ایدمانی ایران میلیسی ایله بو گؤروشو و یولداشلیق گؤروشونو کئچیرمک اوچون هئچ بیر بودجه نظرده توتماییب.
کانادانین باش ناظری ژورنالیستلره دئییب: کانادا سرحد خیدمتلری آژانسی ایران میلی کومانداسینین کاروانینین هانسی عضولرینین کانادایا گئده بیلهجهیینه قرار وئرهجک. اونلار کانادا ویزاسی اوچون موراجعت ائدنلرین هامیسینین قئیدلرینی دقتله نظردن کئچیریرلر.
سون گونلر مسیح علینژادین اوغورلانماسینین تشکیلاتچیلاریندان بیری اولان محمود خاضعین ایله حمید استیلی آراسیندا موناسیبتلرله باغلی موذاکیرهلر گئدیر. حمید استیلی کانادا سفیرلیگینه ایران میلی کومانداسینین تکنیکی میودیری کیمی تقدیم ائدیلیب. آیریجا اینقیلاب کئشیکچیلرینه باغلی فارس و مشرق نیوزون،کئچمیش ایدمان صفحهسی باش یازاری محمد جماعت میلی کوماندانین مئدیا مودیری کیمی ایران میلیسینی موشایعت ائتمک اوچون کانادایا سفر ائتمک نيتیندهدیر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق