۲۶ ایلدن سونرا خوی شهریندهکی ۵ مین نفرلیک هفت تیر استادیومو هله ده یاریمچیق قالیب و بو پروژهنین چئشیدلی حیصهلری داغیلماق اوزرهدیر.
ملی پروژه آدلانان بو استادیومون تیکینتیسینه ۱۳۷۵-جی ایلده باشلانیلیب و دؤرد ایلدن سونرا ایستیفادهیه وئریلمهلی ایدی، آنجاق ۲۶ ایلدن سونرا لاییحه یاریمچیق قالیب و سؤکولمک عرفهسیندهدیر.
ایدمان موسسهلری تشکیلاتی طرفیندن حیاتا کئچیریلن بو استادیوم ایندی یئتکیلی چاتیشمازلیغی سببیندن ماده باغیملیلیارینین ایستراحت یئرینه چئوریلیب.
اهالیسی ۴۰۰ میندن چوخ اولان خوی شهری، ایالتین ایکینجی ان سیخ شهری کیمی، استاندارت استادیوما مالیک اولماقدان محرومدور و بو استادیومون آچیلیشینی گئجیکدیرن ایالتین ایدمان مودیرلریدیر.
باتی آذربایجان ایدمان و گنجلر باش ایدارهسینین ایدمان موسسهلرینه تئکنیکی نظارت قروپونون رییسی دئییر: تأسفلر اولسون کی، ایش گؤتورنین ضعیفلیگی و واختیندا اعتبار وئریلمهمهسی سببیندن خوی شهرینین ۵ مین نفرلیک ۷ تیر استادیومو ایللردیر بلیرسیز دورومدادیر.
بهرام عباسی، بو استادیومون ایدمان تاسیسلرینین تجهیزات و باخیم تشکیلاتی طرفیندن ایداره اولوندوغونو بیلدیرهرک دئدی: حاضردا بو پروژهنین ایش گؤتورهنی ایشدن چیخاریلیب و یئنی آنلاشما ایمضالانمالیدیر و بونونلا باغلی ایدمان و گنجلر باش ایدارهسی طرفیندن لازیمی تعقیبلر آپاریلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق