ایرانین گنجلردن عبارت گولش اوزره میلّی کومانداسی‌نین باش مشقچیسی "حمید باوفا" ادعا ائدیب کی، علیرضا دبیرین گولش ائوی نامازخاناسیندا اونون اوچون ائتدیگی دوعا بو کوماندانی گنجلر آراسیندا شامپیونلوغا چاتدیریب.
او، تسنیم خبر آزانسینا دئییب: اویونلارا گئتمه‌دن ایکی-اوچ گون اؤنجه من علیرضا دبیر ایله گولش ائوینین نامازخاناسیندا گؤروشدوم. او، دوعا ائدیب دئدی: تانریم حمید باوفا کومانداسی بحرئینده یئددی قیزیل مئدال قازانسین، بو منیم اوچون چوخ ماراقلی ایدی، چونکی بیز مانامادا دوز یئددی قیزیل مئدال قازاندیق و بیز شامپیون اولدوق.
علیرضا دبیر موحاظیفه‌کار مودیرلردن بیریدیر و سون ایللرده چوخ‌سایلی ماليه فسادلاری یاییملانان محمد باقر قالیبافا یاخین اولاراق آنیلیر.
۱۳۹۵-جی ایلده علیرضا دبیرین فسادلارینین لیستی یاییملاندی، او جومله‌‌‌دن حیات یولداشی‌نین ۱۳۹۲-جی ایلده بلدیه ایشچیلرینه تقدیم ائدیلمه‌لی اولان شهروند مارکتین ۱۵ میلیون تومنلیک یاردیملارینی آلماسی، ۱۳۹۴-جو ایلده علیرضا دبیرین ۶۰ میلیارد تومن (۳۲۰۰ تومنلیک دلار) آمریکایا کؤچورمه‌سی. ولنجک محله‌سینده‌کی ۴۲۰ متریلیک ائوین اونا باغیشلانماسینداکی قارانلیق، هابئله ایشین بیتیمی اوچون چیخاردیغی تصدیقلر اوچون بیر نئچه دفعه روشوت آلدیغی حاللاری یارانیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق