هم میهن قزئتی بیر خبرده ادعا ائدیب کی، فوتبول فدراسیونو اوزون مدت ایران کومانداسینین مشقلرینه دعوت ائدیلمهین ایستیقلالین کئچمیش اورتا اویونچوسو علی کریمینی دونیا قامو اویونو آلداتماق مقصدیله دونیا شامپیونلوغونا دعوت ائدیب.
بوندان اؤنجه ایران فوتبول کومانداسینین مشقلرینده بعضی فوتبولچولارین اولماسینین مجبوری اولدوغو بارهده بیلگی یاییلمیشدی. ایندی بو قزئت ایران میلی فوتبول کومانداسینین کئچمیش اولدوزو علی کریمینین تئز-تئز آلقیشلانماسینا ایستیناد ائدهرک یازیب کی، ایران کومانداسینین پورتوقاللی باش مشقچیسی فوتبول فدراسیونونون بو کئچمیش اولدوزلا عینی آدلا اولان بو فوتبولچونون اولماسی ایله باغلی طلبینه راضیلیق وئریب.
علی کریمی ایله عینیآدلی اویونچونون دعوت اولونماسینین اساسی بودور کی، تاماشاچیلار خالق حرکاتینا دستک اولاراق استادیوملاردا علی کریمینین آدینی سسلندیرسهلر، ایران فوتبول فدراسیونو تاماشاچیلارین اویونچولاردان بیرینی آلقیشلاندیغینی ادعا ائدهجک.
هم میهن قزئتی گنج علی کریمینین ایران فوتبول کومانداسینین مشقلرینه دعوت اولونماسینی سورپرایز آدلاندیریب و یازیب: دونیا شامپیونلوغو اوچون میلی کوماندالارین لیستینین تعجبلو قونوسو تورکیه لیگاسیندا اوینویان فوتبولچو الی کریمینین دعوتیدیر. او، بو مؤوسوم تورکیه سوپرلیگاسیندا ۹ دفعه مئیدانا چیخیب و بو گونلرده ایران فوتبولونون اورتا سويهلی اویونچولاریندان بیریدیر.
ایران کومانداسینین پورتوقاللی باش مشقچیسی کارلوش کیروش دونیا شامپیونلوغوندا ۲۵ فوتبولچودان عبارت کوماندا لیستینی فیفایا تقدیم ائدن یگانه باش مشقچیدیر. فیفا قایدالارینا گؤره، هر کوماندانین بو اویونلاردا ۲۶ فوتبولچودان ایستیفاده ائتمک حوقوقو وار.
ایران کومانداسی یگانه کوماندادیر کی، اوچ اویونا دؤرد قاپیچی دعوت ائدیب. ایران کومانداسی ۲۰۲۲-جی ایل دونیا شامپیونلوغوندا ان یاشلی کومانداسی اعلان ائدیلیب و گؤرونن اودور کی، فوتبول فدراسینونو گوونلیک قوروملارینین بیرباشا موداخیلهسی و بعضی اویونچولارین ایشتیراکینین قارشیسینین آلینماسی ایله ایران فوتبول کومانداسینین لیستی یاییلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق