ایران‌وایرین خبر قایناقلاری گولش فدراسیونونون سئچکیلرینده تک قادین آدای اولان "مونا میرزایی"نین "صلاحیتلی قوروملار" طرفیندن صلاحیتی‌نین رد ائدیلدیگینی آچیقلاییب.
ایرانین قادینلار اوزره میلی کومانداسی‌نین کئچیجی رئیسی اولموش خانیم میرزایی‌نین ایدمان یؤنتیمی اوزره دوکتورلوق درجه‌‌‌سی وار. ایران‌وایرین خبر قایناقلارینا گؤره، مونا میرزایی "سندلرین تاماملانماماسی" آدلانان دوروما گؤره صلاحیتی رد ائدیلیب. بوندان اؤنجه ایدمان و گنجلر ناظرلیگی، ائله‌جه ده گوونلیک قوروملاری فوتبول فدراسیونونون باشقانلیغینا بعضی آدایلاری رد ائتمک اوچون سندلرین تاماملانماماسی، یؤنتیم تجروبه‌سی‌نین اولماماسی، کیمی شئیلری قئید ائتمیشدیلر.
ایسلام جمهورییتی گولش فدراسیونونون رئیسی گوونلیک قوروملاری‌نین و مجلیس باشقانی محمدباقر قالیبافین دسته‌یینی آلان علیرضا دبیردیر.
حمید سجادی‌نین ایدمان و گنجلر ناظری پوستوندا اولماسیندان بری ایدمان فدراسیونلاری سئچکیلرینده قئیدیاتدان کئچمیش قادینلار سئچکیلردن اؤنجه صلاحیتلری رد ائدیلیب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق