۵ خرداد ۱۴۰۲-جی ایل جوما گونو بهشت زهرا مامورلاری عباس معنوی آدلی بهایی‌نین جنازه‌سینی عائله‌‌‌سی‌نین راضیلیغی و خبری اولمادان ایکی آی اؤنجه وفات ائتمیش باشقا بیر مرحوم بهایی‌نین تورپاغی‌نین اوستونده خاواران قبیریستانلیغیندا دفن ائتدیلر.
بو حرکت مرحومون عائله‌‌‌سی‌نین شیکایتچی اولدوغو و مرحومون دورومونو ایزله‌دیگی بیر واختدا باش وئریب. بو ایل فروردین آیینین ۱-دن بهشت زهرا یئتکیلیلری بهاییلرین جنازه‌لری‌نین عائله‌‌‌لرینه تحویل وئریلمه‌سینی حدسیز میقداردا پول اؤده‌مکله حیاتا کئچیریبلر. بهشت زهرا یئتکیلیلری عائله‌‌‌لری هده‌له‌ییبلر کی، طلب اولونان مبلغی اؤده‌مسه‌لر، جسدلری خاواران مزارلیغیندا دفن ائده‌جکلر.
بو ایلین باشلادیغی گوندن بیر نئچه وفات ائتمیش بهایی‌نین جنازه‌سی عائله‌‌‌لرینه خبر وئریلمه‌دن و دینی مراسیملر کئچیریلمه‌دن خاوره قبیریستانلیغیندا دفن ائدیلیب. آلینان بیلگیلره گؤره، دؤرد بهایی‌نین جسدی هله ده مورقدا ساخلانیلیر و بهشت زهرا اونلاری بوراخماقدان ایمتینا ائدیب.
قئید ائدک کی، تهرانین بهاییلر قبیریستانلیغی خاوران قبیریستانلیغینا بیتیشیک اراضیده یئرلشیر. ایللر ایچینده بهاییلر مئییت‌خانادا داشینما و ساخلاما کیمی شئیلر اوچون موختلیف اؤده‌نیشلر اؤده‌دیلر.
یوروم یازماق