هێزە ئەمنییەکانی کۆماری ئیسلامی هەڵیانکوتایە سەر گردبوونەوەی ژمارەیەک لە خانەنشینانی کۆمپانی "موخابەرات"ی ئێران، پەلاماریان دان و چەند کەسیشیان دەستگیر کرد.
ئەمڕۆ سێشەممە ٢٣ی خاکەلێوەی ١٤٠١، خانەنشینانی کۆمپانیی موخابەرات وەک ناڕەزایی بەرامبەر بە خراپیی باری گوزەرانیان لە بەر دەم تەلاری "لێژنەی جێبەجێکاری فەرمانی ئیمام" گردبوونەوە.
بەپێی ئەو ڤیدیۆیانەی لە تۆڕە کۆمەڵایەتییەکاندا بڵاوبۆنەتەوە، خانەنشینانی ناڕازی لە گردبوونەوەکەیاندا دروشمی "نەمان بۆ ستەمکار" و "هاوار لەم هەموو بێدادە"یان وتۆتەوە.
بازداشت و ضرب و جرح بازنشستگان مخابرات در تجمع اعتراضی توسط نیروهای انتظامی و امنیتی pic.twitter.com/KysfV0i5dc
— ایران کارگر (@Irankargar_site) April 12, 2022
لە بەرامبەردا هێزە ئەمنییەکان کە لە شوێنی گردبوونەوەکەدا ئامادە بوون، هەڵیانکوتاوەتە سەر خانەنشینانی ناڕازی، بێڕێزییان پێکردوون و لێیان داون.
هەندێک سەرچاوەش باس لەوە دەکەن، کە ئەو هێزانە ژمارەیەک لە ناڕازییانیان دەستگیر کردووە و بردوویانن بۆ شوێنی نادیار.
لەماوەی چەند ساڵی ڕابردوودا، قەیرانی ئابووری لە ئێڕان بووەتە هۆی ناڕەزاییە چین و توێژە جیاجیاکانی لەو وڵاتەدا.
کرێکاران، مامۆستایان، پەرستاران و خانەنشینان چەند لەو دەستە کۆمەڵایەتی و پیشەییانەن کە لەم ساڵانەدا بەردەوام ناڕەزاییان دربڕیوە بەرامبەر بە کەمی مووچە و خراپیی باری گوزەرانیان لە ئێران.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
تێبینییەکەت بنووسە