Azərbaycanlı mədəni fəal və idmançı Cəfər İsmayılzadə, Təbrizin Ümumi və İnqilab Məhkəməsinin 2-ci bölməsinin verdiyi qərara əsasən iki il şərti həbs cəzasına məhkum edilib.
Ötən günlərdə Cəfər İsmayılzadə elektron bildiriş vasitəsilə məhkəməyə çağırılıb. 19 aprel 2023-cü il çərşənbə günü cənab İsmayılzadə məhkəməyə çıxdı və Təbriz İnqilab Prokurorluğunun 2-ci şöbəsi onu 2 il şərti həbs cəzasına məhkum etdi.
Cəfər İsmailzadə sonuncu dəfə 2023-cü il iyunun 7-də İnqilab Keşikçiləri kəşfiyyatçıları tərəfindən Təbrizdəki evinin qarşısında həbs edilib. Bu azərbaycanlı fəal həbs olunduqdan sonra 9 gün Təbriz kəşfiyyatının təcridxanasında saxlanılaraq 24 saat kəşfiyyat Baş İdarəsinə aparılaraq işgəncələrə məruz qalıb və nəhayət, 10 gündən sonra Təbriz həbsxanasına köçürülüb.
Cənab İsmayılzadə 2020-ci ilin iyun ayında oğlu Milad ilə birlikdə Təbrizin İnqilab Məhkəməsinin qərarı ilə “hökumətə qarşı təbliğat”da ittiham olunaraq 6 ay həbs cəzasına məhkum edilib və Təbriz zindanına salınmışdılar.
Cəfər İsmayılzadə kikboksinq üzrə federasiyanın hakimi və rəsmi məşqçisi, oğlu Atila (Milad) isə bu idman növü üzrə ölkə və beynəlxalq çempiondur.
Şərhlər