“İranwire”in əldə etdiyi məlumata görə, Dezful şəhərinin İnqilab Məhkəməsinin ikinci şöbəsi Kərxə şəhərinin Şavor əhalisindən olan 23 yaşlı “Seyd Malik Davərşinas” adlı məhbusu üsyan (Bəği) ittihamı ilə günahlandıraraq edam hökmü çıxarıb.
Seyid Malik Davərşinas (Musəvi) 2021-ci ilin may ayından etibarən kəşfiyyatçılar tərəfindən həbs edilib və məlumatlı mənbələrə görə, ona qarşı irəli sürülən ittihamları qəbul etmək üçün fiziki və ruhi işgəncələrə məruz qalır.
Onunla bərabər cənab Davərşinas dostu olan “Abbas Xosrəci” adlı başqa bir şəxs də həbs edilib və məhkəmə zamanı o, “asayişin pozulmasında iştirak etmək” ittihamı ilə 10 il müddətinə azadlıqdan məhrum edilib.
Məlumatlı mənbələr bildiriblər ki, hakim Seyid Malik Davərşinası Bəsic mərkəzinə hücum və yanğın törətməkdə günahlandıraraq “silahlı üsyan” maddəsi ilə edam cəzasına məhkum edib.
İslam Cinayət Qanununun 278-ci maddəsinə əsasən, “üsyankar” şəxs “İran İslam Respublikasının quruluşunun təməli”nə qarşı vuruşan və silahlı hərəkətə keçən şəxsdir və “üsyan” ittihamı ilə təqsirləndirilən şəxsi edam cəzası gözləyir.
Bu gənc etirazçı aylardır işgəncələrə məruz qalıb və ittihamlarını etiraf etməyə məcbur olub, lakin o, məhkəmədə işgəncə altında ittihamları qəbul etdiyini etiraf edib.
Məhkəmə prosesinin ədalətsizliyinə baxmayaraq, ötən həftə Dezful İnqilab Məhkəməsinin ikinci şöbəsi bu məhbusu edam cəzasına məhkum edib.
Seyid Malik Davərşinas hazırda Əhvaz Mərkəzi Həbsxanasının (Şiban) 5-ci palatasında saxlanılır.
Şərhlər