دوغو آذربایجانین چئوه قوروما تشکیلاتینین کئچیجی رئیسی تبریزین هاوا کئیفيتی ایندکسینین سون ۲۴ ساعتدا ۱۰۳ اولدوغونو و حساس یاش قروپلاری اوچون ساغلیقسیز اولدوغونو بیلدیریب.
تبریزده هاوانین چرکلنمهسینه تأثیر ائدن عامللره نقليات واسطهلری، فابریکلر، تبریز الکتریک استاسیونونون مازوتونون یانماسی و ائو ایستیلیک جیهازلاری داخیلدیر.
دوغو آذربایجانین چئوه قوروما تشکیلاتینین کئچیجی رئیسی وطنداشلارا هاوانین چرکلنمهسینی آرتیراجاق هر هانسی فعالیتدن چکینمیی، اورک و آغجییر خستهلری، قوجالار و اوشاقلارین آچیق هاوادا اولماماسینی تؤوصیه ائدیب.
چرکلنمه ایندکسی صیفیردان ۵۰ رقمینه قدر تمیز هاوا، ۵۰-دن ۱۰۰ ایندکسه قدر ساغلام هاوا، حساس قروپلار اوچون ۱۰۰-دن ۱۵۰ ایندکسه قدر ساغلیقسیز هاوادیر و آیریجا، ۱۵۰-دن ۲۰۰ ایندکسه قدر بوتون قروپلار اوچون هاوا ساغلیقسیزدیر.
آذربایجانین بؤیوک شهرلرینده سون ایللرده هاوا و چئوره چرکلیلیگی سیخ گؤرونن بیر حالدیر و چئوره فعاللارینین اعتراضلارینا باخمایاراق بعضی حاللاردا بو فعاللار تهدید و یا حبس ائدیلیبلر.
ایران ساغلیق ناظرلیگینین ساغلاملیق و ایقلیم ديیشیکلیگی قروپونون رئیسی عباس شاهسونی اؤتن ایل ایراندا هاوانین چرکلنمهسی ۴۱ مین ۷۰۰ نفرین ارکن اؤلومونه سبب اولدوغونو آچیقلاییب.
یوروم یازماق