ایرانین اینسان حاقلاری قاناقلارینین وئردیگی بیلبگیلره گؤره، رپر «صادق قاسمی زیلایی»، اهوازدا اطلاعات ناظرلیگینین مامورلاری طرفیندن حبس ائدیلیب.
ایرانین اینسان حاقلاری قایناقلاری ایذهلی اولان بو صنعتچینین سون گونلر اهوازداکی قوهوملاریندان بیرینین ائوینده اطلاعات ناظرلیگینین امکداشلاری طرفیندن “کوتلوی باسقین”لا حبس ائدیلدیگینی آچیقلاییب.
هرانا اینسان حاقلاری سایتینین وئردیگی بیلگیلره گؤره، «صادق قاسمی زیلایی»، حبس اولوندوقدان سونرا اهواز اطلاعات ایدارهسینین تجریدخاناسینا کؤچورولوب. بو رپر حبسده اولدوغو مدتده عائلهسی ایله توپلام بیر دفعه قیسا تلفون دانیشیغی ائده بیلیب. بو یازینین یازیلدیغی واختا قدر بو رپرین اتهاملاری ایله باغلی هئچ بیر بیلگی یوخدور.
۱۴۰۱-جی ایلده اخلاق پولیسی نظارتینده اولان مهسا امینینین اؤلدورولمهسیندن سونرا ایراندا باش وئرن عومومی اعتراض آکسییالاریندان سونرا مهدی یراحیتوماج صالحی و سامان یاسین (صیدی) کیمی اعتراضچیلاری دستکلهین بیر سیرا موغنیلر حبس ائدیلیب.
وئریلن بیلگیلره گؤره، بیر ایلدن آرتیقدیر کی، حبسده اولان توماج صالحی و سامان یاسین ساخلاندیقلاری مدتده ایشگنجهلره معروض قالیبلار و چوخسایلی فیزیکی و روحی خسارتلره باخمایاراق، طبی خیدمتلردن محروم ائدیلیبلر.
بیرلشمیش ملتلرین ایرانین اینسان حاقلاری اوزره اؤزل معروزهچیسی جاوید رحمان سون راپوروندا اساس آزادلیقلار قانونلا تعمین اولونمایانا قدر ایراندا اینسان حاقلارینین پوزولماسی وضعيتینین ديیشمهیهجهیینی وورغولاییب.
یوروم یازماق