ایران هاوا یوللاری تشکیلاتینین سؤزچوسو بیان ائدیب کی، آتا هاوا یوللارینین تهران-تبریز سفری اوزره تورکجه قارشیلاما هئچ بیر غرضلی نيت اولمادان! ائدیلیب، او وورغولاییب: بو قورومون امری اساسیندا اوچوشلاردا قارشیلاما یالنیز اینگیلیس و فارس دیللرینده اولاجاق.
هاوا یوللاری تشکیلاتیندان وئریلن بیلگیلره گؤره، آتا هاوا یوللارینین تهران-تبریز اوچوشوندا قارشیلانمانین تورک دیلینده یاییملانماسی سانال اورتامدا بعضی حساسلیقلارا بؤلوجولوک شوبههسینه سبب اولوب!.
بو قورومون سؤزچوسو “جعفر یازرلو” دئدی: تعقیب و آراشدیرمالارا گؤره تورکجه قارشیلاما مئساژینین یئنیلیک اولدوغو، یاییمدا هئچ بیر قصد و یا قصداً نيت اولمادیغی معلوم اولوب.
او بیلدیریب: هر هانسی بیر شوبهه و حساسلیغین قارشیسینی آلماق اوچون هاواجیلیق تشکیلاتی سؤزوگئدن شرکته وئردیگی امر ایله اینگیلیس و فارس دیللریندن باشقا هر هانسی قارشیلانمانین قاداغان اولوندوغونو اعلان ائتدی.
آتا هاوا یوللارینین صاحبی زنوزی بؤلوجولوک اتهامینی رد ائدیب و ادعا ائدیب کی، ایراندا رژیمین لیدری و جمهورباشقانینین دا تورکجه دانیشدیغی اوچون تورکجه دانیشماق بؤلوجولوک سببی ساییلا بیلمز.
یوروم یازماق