آذربایجانلی سیاسی محبوس و مدنی فعاللار علی و رضا واثقی مرخصیلری بیتدیکدن سونرا جزالارینین قالانینی چکمک اوچون، شنبه گونو ۱۴ اسفند ۱۴۰۰-ده اردبیل حبسخاناسینا قاییتدیلار.
علی واثقی ۲۴ بهمنده و رضا واثقی ۲۵ بهمنده گیروو قارشیلیغیندا مرخصییه بوراخیلمیشدیلار.
علی واثقی و قارداشی رضا واثقی، ۹۹-جو ایلین آبان آییندا محکمه مامورلاری طرفیندن توتولدولار و "گئجه بیلدیریشی (شبنامه) چاپ ائتمکله اؤلکهنین میلی گوونلیگینه قارشی جینایت تؤرتمک آماجی ایله ال بیر اولماق و رژیمه قارشی تبلیغات آپارماق" اتهامی ایله ایکی ایل حبس جزاسینا محکوم ائدیلهرک اردبیل مرکزی حبسخاناسینا کؤچورولدولر.
واثقی قارداشلار مامورلار طرفیندن حؤکم گؤستریلمهدن ۹۹-جو ایلین ۲۱ خردادیندا ایش یئرلرینده دؤیولهرک توتولدولار و ۲۷ خرداددا محکمهنین سونونا قدر هر بیری ۱۱۰ میلیون تومن گیروو قارشیلیغیندا سربست بوراخیلدیلار. بو ایکی قارداش، سربست بوراخیلدیقدان سونرا گوونلیک گوجلری طرفیندن دؤیولدوکلرینی و بدنلریندهکی دؤیولمه ایزلرینی گؤسترن شکیللرینی سوسیال شبکلرده یایملادیلار.
بو ایکی قارداشین ایش یئری ده ۲۲ خرداد جوما آخشامی اطلاعات مامورلاری طرفیندن آختاریلدی و بو آختاریشدا جیب تلفونلاری و بیلگیسایارلاری دا داخیل اولماقلا بیر سیرا شخصی اشیالارینا ال قویولدو.
۲۲ خرداد ۱۴۰۰-ده واثقی قارداشلاری اردبیل و اوین حبسخانالاریندا حبس اولونان باشقا بئش سیاسی محبوسلا بیرلیکده اردبیل حبسخاناسیندا حبس اولونان سیاسی محبوس عباس لسانییه دستک و "جینایتلرین آیریلماسی ایلکهسی"نین حیاتا کئچیریلمهمهسینه اعتراض اولاراق بو حبسخانادا اوچ گون کوتلوی آجلیق آکسییاسی کئچیردیلر.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی یئتکیلی شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق