مریم معینی پورون وفاتیندان ۲۰ گوندن چوخ واخت کئچمهسینه باخمایاراق، بو بهایی وطنداشین جنازهسی هله ده بهشت زهرا مئییتخاناسیندا ساخلانیلیر و یئتکیلی شخصلر مرحومون جسدینی یالنیز ۳۰ میلیون تومن قارشیلیغیندا عائلهسینه تحویل وئرمهیه راضیلاشیب.
سون بیر نئچه گونده معینی پور عائلهسی بهشت زهرادان تهدید مئساژی آلیب کی، طلب اولونان مبلغی اؤدهمسهلر، محکمهنین قرارینا اساساً، مرحوم معینی پور ۲۴ ساعت ایچینده مامورلار طرفیندن دفن اولوناجاق.
یئنی ایلین باشیندان اؤزونو تهرانداکی بهایی قبیریستانلیغینین یئتکیلیسی اولاراق تانیتان اطلاعات ناظرلیگیندن مسعود معینی آدلی شخص هر بیر جسدین تحویلی و دفن ائدیلمهسی اوچون چوخلو میقداردا پول طلب ائدیب. بهاییلرین اونون قئیری-قانونی و قئیری-اینسانی طلبی ایله هله ده راضیلاشماییب.
مومنی قئید اولونان مبلغ اؤدهنیلمسه، جسدلری اؤزلری خاواران مزارلیغیندا باسدیراجاقلاری ایله هدهلهییب.
سون بیر نئچه هفته ایچینده عائلهلری مومنینین ایستیی ایله راضیلاشمایان ۳ مرحوم بهایی عائلهنین خبری اولمادان، غسل و دینی مراسیملر یئرینه یئتیرمهدن اعدام ائدیلمیش ۶۷-نین کوتلوی مزارلاریندا مامورلار طرفیندن دفن ائدیلیب.
۳۰ ایلدن آرتیقدیر کی، بهاییلر اؤلولرینی خاوران قبیریستانلیغینا بیتیشیک اراضیده دفن ائدیرلر و ایندییه قدر دفنله باغلی مئییتخانا و داشیما کیمی بوتون خرجلری اؤدهییبلر، آنجاق بو ایلین فروردین آییندان مسعود مومنی هئچ بیر قانونی اساس اولمادان تهراندا بهایی قبیریستانلیغیندا بهایی وطنداشلارین جسدلرینین دفن ائدیلمهسینه مانع اولموش و میتلرین مورقدان چیخاریلماسی اوچون ۳۰ میلیون تومن طلب ائتمیش و بو دا بهاییلر طرفیندن قبول ائدیلمهمیشدیر.
یوروم یازماق