۳۰ مهر بازار گونو ایران ایسلام جمهورییتی حؤکومتینین قوهلری سرباز شهرینین پشامگ سونی ایمامی مولوی فضل الرحمن کوهینی حبس ائدیب. بو سونی روحانی زاهیدانداکی وضعيتی غزه زولاغی ایله موقایسه ائدهرک بیلدیریب کی، حربی قوهلرین نماز قیلان زاهیدان خالقینا هوجومو “اسرائیلین فلسطین خالقینا ائتدیگی ظولمدن” آز دئییل.
“حالوش” حوقوق مودافیه تشکیلاتینین راپورونا گؤره، مولوی فضل الرحمن کوهی حبس اولوندوقدان سونرا گوونلیک گوجلری طرفیندن بلیرسیز یئره آپاریلیب.
۱۳۹۸-جی ایلین آذر آیینین اولینده مولوی فضل الرحمن کوهی مشهددهکی اؤزل روحانی محکمهسینه چاغیریلدیقدان سونرا حبس ائدیلمیش و مشهدین اؤزل روحانی محکمهسی طرفیندن آلتی ایل دؤرد آی مدتینه آزادلیقدان محروم ائدیلمیشدی.
بو سونی دین خادیمی بو ایل مهر آیینین ۳-ده بیر نئچه ایل حبسدن سونرا شرطی آزادلیغا بوراخیلیب.
مولوی فضل الرحمن کوهی ۲۸ مهرده زاهیدانلی وطنداشلارین باسقییا معروض قالماسینا موناسیبت بیلدیریب و دئییب: اگر کیمسه زاهیدان مسجیدیندن قاییدارکن یولدا زاهیدانین گوونلیک گوجلری ایله مکی مسجیدینین عبادتچیلری آراسینداکی قارشیدورمانی گؤرسه، اسرائیلین فلسطین و غزه خالقینا ائتدیگی ظولمو اونوداجاق”.
بو کئچمیش سیاسی محبوس ایران حؤکومتینین یئتکیلیلرینه دئییب: بونا گؤره غزهده و فلسطینده قیرغینلار باشلاییب کی، اینسانلار اؤلکهدهکی وضعيتدن خبرسیز اولسونلار؟ قیرخ دؤرد ایل اؤنجه سونیلری اؤلدورمک اوچون اینقیلاب ائتدینیز؟”
جوما گونو، مئهر آیینین ۲۸-ده ایسلام جمهورییتینین باسقی گوجلری زاهیدانلی عبادتچیلره هوجوم ائدیب و اونلاردان یوزلرله اینسانی دؤیرک حبس ائدیبلر.
حالوش خبر آژانسی جوما گونو حبس اولونان ۱۰۵ نفرین آدینی آچیقلاییب و اونلارین آراسیندا چوخلو اوشاق و یئنییئتمهلرین اولدوغونو بیلدیریب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق