بهایی وطنداشلارینا قارشی تضییق و باسقیلارین آرتماسینین آردینجا حاکم علی مظلومون باشقانلیق ائتدیگی تهران اینقیلاب محکمهسینین ۲۹-جو شؤبهسی تهراندا یاشایان آلتی بهایی وطنداشی توپلام ۳۲ ایل ۱۰ آی حبس جزاسینا محکوم ائدیب.
تهران اینقیلاب محکمهسینین ۲۹-جو شؤبهسینین رئیسی، حاکم سید علی مظلومون ۳۰ مهر ۱۴۰۲-جی ایل تاریخلی حؤکمونه اساساً، موستنطیقلرین گؤروشونه اساساً، «سعیده خضوعی»، «ارسلان یزدانی»، «سمیرا ابراهیمی»، «پدرام عبهر»، «ایرج شکور» و «صبا سفیدی»نین، پروندهلرینه باخیلمانین سونا چاتدیغینی و آشاغداکی حؤکملری اونلارا اعلام ائتدیکلرینی دئدیلر.
ارسلان یزدانی، سعیده خضوعی، ایرج شکور و پدرام عبهر هر بیری رئژیم قارشیتی قروپلارا عضو اولماقدا اتهام اولوناراق ۵ ایل، ایسلام جمهورییتینه قارشی و بهایی تشکیلاتی خئیرینه تبلیغات ایله اتهام اولوناراق بیر ایل حبس جزاسینا و اشیالارین موصادیرهسینه محکوم ائدیلیبلر. تقصیرلندیریلن شخصلرین هر بیرینه یوخاریداکی حؤکمدن بئش ایل مدتینه آزادلیقدان محروم ائتمه جزاسی تطبیق ائدیلیر.
سمیرا ابراهیمی و صبا سفیدی رژیم قارشیتی قروپلارا عضو اولماقدا اتهام اولوناراق هر بیری ۳ ایل ۵ آی، ایران ایسلام جمهورییتینه قارشی تبلیغات آپارماق و بهایی تشکیلاتینی تبلیغ ائتمک اتهامی ایله بیر ایل حبس جزاسینا و اشیالارین موصادیرهسینه محکوم ائدیلیبلر.
یوخاریداکی حؤکمدن تقصیرلندیریلن شخصلرین هر بیرینه اوچ ایل بئش آی آزادلیقدان محروم ائتمه جزاسی تطبیق ائدیلیر.
قئید ائدک کی، بو بهایی وطنداشلارین محکمهسی تهران اینقیلاب محکمهسینده سون اوچ آیدا اوچ اوتوروم کئچیریلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق