ایران بهاییلرینه قارشی تضییقلرین آرتماسینین آردینجا گوونلیک گوجلری ۲۲ آبان ۱۴۰۲-جی ایل بازار ائرتهسی گونو شیرواندا “مسعود محمودی” آدلی بهایی وطنداشی حبس ائتدیلر.
آلینان بیلگیلره گؤره، بازار ائرتهسی شیروان شهرینده مسعود محمودینین ائوینه داخیل اولدوقدان سونرا بوجنوورد اطلاعات ایدارهسینین امکداشلاری سؤزوگئدن یئرده آختاریش آپاراراق، بو شخصه و اونون عائله عضولرینه اؤزل موبیل تلفونلار و لپ تاپلار کیمی الکتریکلی جیهازلارینی موصادیره ائدیبلر. داها سونرا مامورلار جناب محمودی حبس ائدهرک بلیرسیز یئره آپاریبلار.
بو بهایی وطنداشین حبسی و اتهام ائدیلمهسینین سببی بارهده بیلگی یوخدور.
قئید ائدک کی، مسعود محمودی ۱۳۶۰-جی ایللرده بهایی دینینه اعتیقاد ائتمک اتهامی ایله بیر نئچه ایل حبسده یاتیب. آیریجا ۱۳۹۰-جو ایلده ایران بهاییلری ائیتیم انستیتوسوندا (BIHE) امکداشلیق اتهامی ایله حبس ائدیلیب و آلتی آی شرطی حبس جزاسینا محکوم ائدیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق