"حیشمەتوڵا تەبەرزەدی"، سکرتێری "بەرەی دێمۆکراتیکی ئێران" و یەکێک لە دژبەرانی کۆماری ئیسلامی لە لقی یەکەمی دادگای شۆڕشی ئیسفەهان‌دا بە ٤٥ سال و ٦ مانگ زیندان مەحکووم کراوە.
موحەمەد موقیمی، پارێزەری حیشمەت تەبەرزەدی لە ڕێگەی بڵاو کردنەوەی تویتێکەوە، جگە لە ڕاگەیاندنی ئەم هەواڵە نوسیویەتی: "ئەم سزادانە نایاسایی و ناشەرعییە، سزای کۆتایی نییە و دەتوانین بەرامبەری ناڕەزایەتی دەرببڕین. بەڵام حیشمەت تەبەرزەدی دادگاکانی کۆماری ئیسلامی بە فەرمی ناناسێت و ناڕەزایەتیی دەرنابڕێت."
شعبه ۱ دادگاه انقلاب اصفهان موکلم حشمت‌الله طبرزدی دبیرکل جبهه دموکراتیک ایران را به ۴۵ سال و ۶ ماه حبس تعزیزی محکوم کرد. این محکومیت غیرقانونی و شرعی، قطعی نیست و قابل اعتراض است. اما موکلم دادگاه‌های جمهوری اسلامی را به رسمیت نمی‌شناسد و اعتراض نمی‌کند.#حشمت_الله_طبرزدی pic.twitter.com/81Bv5aJ5fd
— Mohammad Moghimi (@Moghimi_Lawyer) May 25, 2023
حیشەمتوڵا تەبەرزەدی، چالاکی سیاسی لە هەشت مانگ پێشەوە هاوکات لەگەڵ ناڕەزایەتییە سەراسەرییەکان بە کوشتنی ژینا (مەهسا) ئەمینی، بە شێوەی کاتی دەستگیر کراوە و حەوتووی ڕابردوو لە ڕیگەی بڵاو کردنەوەی نامەیەکی سەرئاوەڵ لە زیندانی ئیسفەهانەوە بە ئاماژەدان بە ناڕەوا بوونی دادگای کۆماری ئیسلامی، ڕایگەیاندبوو کە لە دادگادا بەشداری ناکەم و ناچمە ژێر باری دۆسییەسازیی ساختەوە.
بەڕێز تەبەرزەدی لەم نامەدا نووسیبووی کە ئەو بە "پروپاگاندا بە دژی کۆماری ئیسلامی، بێڕێزی کردن بە ڕێبەر، هاوکاریی لەگەڵ دەوڵەتی دژبەر، بێڕێزی کرن بە ئایەتوڵا خومەینی، موحارب، ئەفساد فیلئەرز، ورووژاندن و دنەدانی خەڵک بۆ جەنگ و کوشتار لەگەڵ یەک‌تر بە مەبەستی تێکدانی ئەمنییەتی وڵات" تۆمەتبار کراوە.
ئەم چالاکە سیاسییە لە بەشی کۆتایی نامەکەی‌دا نووسیویەتی: "هەزار جار پەتی سێدارە ماچ ئەکەم، بەڵام ناچمە ژێر باری درۆ و دۆسییەسازییە ساختە و بێ بنەماکانەوە."
بەڕێز تەبەرزەدی پێش‌تر لە دوو دۆسییەی دیکەی تایبەت بە هەشتاکانی هەتاوی‌دا بە تۆمەتگەلی وەک دامەزراندان یان بەڕێوەبردنی ڕێکخراوی نایاسایی، بێڕێزی کردن بە ڕێبەر یان دامەزرێنەری کۆماری ئیسلامی و پروپاگاندا بە دژی کۆماری ئیسلامی و پیلان دژی ئەمنییەتی نەتەوەیی، بە بیست و دوو ساڵ زیندان سزا درابوو.
تێبینییەکەت بنووسە