ایرانوایرین آلدیغی بیلگیلره گؤره ۳۱ خرداد ۱۴۰۲-جی ایل چارشنبه گونو سحر ساعتلاریندا، اوین حبسخاناسینین مامورلاری حبسخانا تلفونلاری آچیلمادان اؤنجه حامی بهادرینی وکیلینین و عائلهسینین خبری اولمادان تهران اینقیلاب محکمهسینین ۱۵-جی شؤبهسینه کؤچوروبلر و حاکم صلواتینین باشقانلیغی ایله محکمه ایجلاسی کئچیریلیب.
محکمه سورجی باشا چاتدیقدان درحال سونرا حاکم تقصیرلندیریلن شخصه حؤکمو اعلان ائدیلیب. حؤکمه اساساً، حامی بهادری، توپلاشماق و البیر اولماق اتهامی ایله بیر ایل، بهایی تبلیغی آدی آلتیندا رژیمه قارشی تبلیغات آپارماق اتهامی ایله ۱ ایل، توپلام ۶ ایل حبسه و علاوه اولاراق ایکی ایل اؤلکهدن چیخیش قاداغاسی ایله جزالاندیریلیر.
آیریجا، حاکم صلواتی بهادری و حیات یولداشینین شخصی اشایالاری او جوملهدن آی مک، لپ تاب،کامئرا و اوچ عدد لنز، اینترنت مودمی و قیزیل کیمی بوتون املاکین موصادیره ائدیلمهسینه سس وئریب.
قئید ائدک کی، محکمهنین اؤنجهکی ایجلاسیندا صلواتی جناب بهادرینین حیات یولداشینین شخصی اشیالارینی گئری قایتارماق ایستهدیگینی بهانه ائدیب و آلیب، لاکین چارشنبه گونو کئچیریلن محکمهده آلینان بوتون اشیالارین موصادیره ائدیلمهسی بارهده قرار چیخاریب.
محکمه ایجلاسی باشا چاتدیقدان سونرا حاکم صلواتی گیروو قویولماسینا راضی اولماییب و بیرباشا حؤکمون ایجراسینا امر وئریب.
۲۶ یاشلی بهایی وطنداش حامی بهادری ۳۰ مهر ۱۴۰۱-جی ایلده تهرانداکی شخصی ائوینده گوونلیک گوجلری طرفیندن حبس اولوندو. او، ۸ آیدیر کی بلیرسیز دورومدا حبسده ساخلانیلیر.
یوروم یازماق