ایرانوایرین چارشنبه آخشامی آخشام ساعتلاریندا الده ائتدیگی بیلگیلره گؤره، گنابادلی درویش آرش مرادی کاشان شهرینده یئرلشن ایش یئرینده سیویل گئییملی و گوونلیک گوجلری طرفیندن حبس ائدیلیب. بو گنابادلی درویشین کؤچورولدویو یئریندن هله ده خبر یوخدور.
ایرانوایره بیلدیریلیب کی، آرش مرادینین حبسی زامانی مامورلار اونون موبیل تلفونونو، بیلگی سایارینی و شخصی اشیالارینی دا موصادیره ائدیبلر.
آرش مرادی ۱۳۹۶-جی ایلین اسفند آییندا یئددینجی گولیستان آدلانان حادثهلردن سونرا حبس ائدیلیب. یئددینجی گولیستان حادثهسینده یوزلرله گنابادلی درویشی بؤیوک زوراکیلیقلا حبس اولوندو. آرش مرادی ۷-جی گولیستان حادثهسی ایله باغلی بیر ایل حبس جزاسینا محکوم ائدیلیب و جزا مدتی باشا چاتدیقدان سونرا "بؤیوک تهران" و یا "فشافویه" حبسخاناسیندان آزاد ائدیلیب.
بو گنابادلی درویشین سون ایللرده سیویل و اینسانی فعالیتلری اولوب. او، حبس اولونمازدان اؤنجه اینستاگرامداکی سون پایلاشیمیندا صفحهسینین ایزلییجیلریندن یوخسول و احتیاجی اولان عائلهلر اوچون نظرده توتولان چؤرک پلانینا دستک وئرمهلرینی ایستهمیشدی. “چؤرک پلانی” توپلومون ایمکانسیز طبقهلری اوچون اینسانلارین یاردیمینین توپلانماسی ایستیقامتینده مدنی فعالیتیدیر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق