ایرانوایرین الده ائتدیگی بیلگیلره گؤره، ایسلام جمهورییتی اطلاعات ناظرلیگینین مامورلاری ۱ آبان ۱۴۰۲-جی ایل بازار ائرتهسی اصفهان شهرینده اون بهایی قادینی حبس ائدیبلر.
یگانه آگاهی، آرزو سبحانیان، یگانه روحبخش، شانا شوقیفر، پرستو حکیم، مژگان شاهرضایی، بهاره لطفی، ندا بدخش (آگاه)، نگین خادمی و ندا عمادی دونن اصفهاندا حبس ائدیلهرک بلیرسیز بیر یئره کؤچورولن ۱۰ قادین بهایی وطنداشیدیر.
بیلگیلی بیر قایناغین ایرانوایره وئردیگی بیلگیلره گؤره، بو وطنداشلار اطلاعات ایدارهسینین مامورلاری طرفیندن شخصی ائولرینده حبس ائدیلیبلر و مامورلار بو وطنداشلارین ائولرینده آختاریش آپارارکن اونلارین عائلهلرینین بعضی شخصی اشیالارینی دا موصادیره ائدیبلر.
آلینان بیلگیلر گؤستریر کی، اطلاعات مامورلاری اونلاری حبس ائتمک اوچون اصفهاندا داها بیر نئچه بهایی وطنداشین ائولرینه باسقین ائدیب و حبس اولونانلارین سایی ۱۰-دان چوخ اولا بیلر.
بو خبرین یاییلدیغی واختا قدر بو وطنداشلارین حبسینین سببلری و اونلارا قارشی ایرهلی سورولن اتهاملار بارهده هئچ بیر بیلگی یوخدور.
مهسا امینینین قتلیندن سونرا عومومی اعتراضلارین باشلاماسی ایله ایسلام جمهورییتی حؤکومتینین بهایی وطنداشلارا تضییقی اؤنملی درجهده آرتیب.
بو ایل مرداد آیینین سونلاریندا دونیا بهایی توپلومو بیر نئچه هفته ایچینده ۶۰ بهایی وطنداشین ساخلاندیغینی و یا حبس ائدیلدیگینی و ۱۸۰ بهایی وطنداشین ایسه گوونلیک اورقانلاری طرفیندن تضییقلره معروض قالدیغینی اعلان ائتدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق