"فەرانەک ڕەفیعی"، چالاکی ژینگەپارێزی خەڵکی سنە ئێوارەی یەکشەممە ٢٧ی خەرمانان لەمیانەی ناڕەزایی خەڵکی ئەو شارەدا بەرامبەر بە کوژرانی ژینا ئەمینی دەستگیر کراوە و هێشتا بێسەروشوێنە.
بەپێی ئەو زانیارییانەی دەستی ئێرانوایەر کەوتووە، فەران ڕەفیعی لە مەیدانی "ئیقبال"ـی سنە بەبێ داوای دادگا لەلایەن هێزە ئەمنییەکانی کۆماری ئیسلامییەوە دەستگیر کراوە.
ئەو ژینگەپارێزە کوردە پێشتریش لەبەر چالاکییە ژینگەیی و مەدەنییەکانی لەلایەن ناوەندە ئەمنییەکانی پارێزگای کوردستانەوە دەستگیر کرابوو.
دەستگیر بوونی فەرانەک ڕەفیعی لەکاتێکدایە، کە ناڕەزاییەکان بەرامبەر بە کوژرانی ژینا ئەمینی لە کوردستان لە سێیەم ڕۆژیدا بە مانگرتنی گشتی درێژەی هەیە.
بەگوێرەی هەواڵەکان، خەڵک لە مەریوان، سەقز، دیواندەرە، سنە، کامێران، کرماشان، بۆکان، مەهاباد، شنۆ، نەغەدە، پیرانشار و سەردەشتیش تەڤڵی مانگرتنەکە بوون.
🎥لەمەریوان کار وەستاوە
— ئێران وایەر (@kurdishiranwire) September 19, 2022
خەڵکی #مەریوان بەرەوپیری بانگەوازیی مانگرتنی گشتییەوە چوون و بازاڕ و کاریان وەستاندووە.
بەگوێرەی هەواڵەکان، خەڵک لە سەقز، دیواندەرە، سنە، کامێران، بۆکان، مەهاباد، شنۆ، نەغەدە، پیرانشار و سەردەشتیش تەڤڵی مانگرتنەکە بوون.#ژنان #ژینا_ئەمینی #مهسا_امینی pic.twitter.com/C7cgr9e64p
هاوکات لەگەڵ بەڕێوەچوونی مانگرتنی سەرتاسەری لە زۆربەی شارەکانی کوردستان، ژمارەیەک لە هاوڵاتیان لە شاری دیواندەرە ڕژانە سەر شەقام و دروشمی "ژن ژیان ئازادی"یان وتەوە.
🎥خەڵکی دیواندەرە لەسەر شەقامن
— ئێران وایەر (@kurdishiranwire) September 19, 2022
وەک ناڕەزایی بەرامبەر بە کوژرانی #ژینا_ئەمینی، لەگەڵ بەڕێوەچوونی مانگرتنی سەرتاسەری لە زۆربەی شارەکانی #کوردستان، ژمارەیەک لە هاوڵاتیان لە شاری #دیواندەرە ڕژانە سەر شەقام و دروشمی #ژن_ژیان_ئازادی یان وتەوە.#مهسا_امینی #مانگرتن #ژنان pic.twitter.com/EIvxh49rNs
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
تێبینییەکەت بنووسە