ایران‌وایرین الده ائتدیگی بیلگیلره گؤره، سون بیر نئچه گونده تهرانداکی بهایی قبیریستانلیغی ایله باغلی حبس ائدیلن ۴ بهایی وطنداشا دیندیریجیلر طرفیندن کامئرا قارشیسیندا اعتراف ائتمک اوچون تضییق ائدیلیب.
بو حرکت بو دؤرد وطنداشین محکمه‌‌سی ۱۴۰۲-جی ایل خرداد آیینین ۱۰-دا تهران اینقیلاب محکمه‌‌سی‌نین ۲۶-جی شؤبه‌سینده حاکم ایمان افشاری‌نین باشقانلیغی ایله کئچیریلرکن باش وئریب و دؤردو ده محکمه‌‌نین حؤکمونون اعلانینی گؤزله‌ییر.
آیریجا، هر بازار ائرته‌سی گونو محبوسلارین عائله‌‌‌لری ایله تلفون دانیشیغی اولور، بازار ائرته‌سی، ۱۵ خرداددا شادی شهیدزاده‌نین عائله‌‌‌سی ایله علاقه ساخلاماماسی عائله‌‌‌سی‌نین ناراحاتلیغینا سبب اولوب. شهیدزاده‌نین بئش یاشلی بیر اؤولادی وار.
بازار ائرته‌سی، خردادین ۱۱-ده اطلاعات ناظرلیگی‌نین مامورلاری تهراندا اؤز شخصی ائولرینده دؤرد بهایی وطنداشی حبس ائدیبلر.
عطاالله ظفر، منصور امینی و ولی‌الله قدمیان، آدلی محبوسلاردان اوچو تهرانین بهایی قبیریستانلیغیندا مرحوملاری‌نین دفن مراسیمی‌نین کئچیریلمه‌سینده کؤنوللو اولاراق باشقا بهاییلره یاردیم ائدن بهاییلر آراسیندادیر.
دؤردونجو شخص شادی شهیدزاده‌دیر. اونون ننه‌سی بهشت زهرادا جسدی‌نین وئریلمه‌دیگی مرحوم بهاییلردن بیری ایدی و شادی قانونی اورقانلارا موراجعت ائده‌رک ننه‌سی‌نین جسدی‌نین دورومونو ایزله‌دی.
ساخلانیلان شخصلر حبس اولوندوقدان سونرا اوین حبس‌خاناسی‌نین ۲۰۹-جو بندینده ساخلانیلیر و ۳۰ گونلوک ساخلانما مدتی بیتدیکدن سونرا پرونده‌نین حاکمی اونو گیروو قارشیلیغیندا سربست بوراخماقدان ایمتینا ائدیب.
یوروم یازماق