close button
دەتەوێت بچیتە ناو وەشانی ئێران‌وایەرەوە؟
وادیارە بۆ دانانی ئەم لاپەڕەیە کێشەیەک هاتۆتە ئاراوە، بۆ چارەسەرکردنی کێشەکە بچۆ ناو وەشانی ئێران‌وایەرەوە
ئابووری

٢١٢ هەزار ئێرانی تەنیا لە ساڵی تازەی زایینی‌دا سەردانی تورکیایان کردووە

۹ ڕەشەمەی ۱۴۰۲
خوێندنەوەی وتارە لە ۱ خولەکدا
٢١٢ هەزار ئێرانی تەنیا لە ساڵی تازەی زایینی‌دا سەردانی تورکیایان کردووە
٢١٢ هەزار ئێرانی تەنیا لە ساڵی تازەی زایینی‌دا سەردانی تورکیایان کردووە

ڕاپۆرتی نوێی وەزارەتی ڕۆشنبیری و گەشتوگوزاری تورکیا دەریدەخات کە سەردانی گەشتیارانی ئێرانی بۆ ئەم وڵاتە لە مانگی ژانڤییەی ساڵی ٢٠٢٤ی زایینی‌دا بە بەراورد بە ئامارەکانی هەمان کات لە ساڵی ڕابردوودا بە ڕێژەی ٨٧ لەسەد زیادی کردووە و لەو مانگەدا ٢١٢ هەزار ئێرانی سەردانی تورکیان کردووە.

لە مانگی یەکەمی ساڵی نوێی زایینی‌دا تورکیا بە کۆی گشتی دوو ملیۆن و ٤٧ هەزار گەشتیاری بیانی میوانداری کردووە، ئەمەش بەراورد بە هەمان مانگ لە ساڵی ڕابردوودا کەمێک زیادی کردووە. بەڵام بە پێچەوابەی هەڵکشانی ئاماری سەردانی‌کردنی ئێرانییەکان بۆ تورکیا، سەردانی هاوولاتیانی ئیسرائیل بۆ تورکیا بە شێوەیەکی بەرچاو دابەزیوە.

لە مانگی یەکی ساڵی ڕابردوودا نزیکەی ٤٧ هەزار هاووڵاتی ئیسرائیلی گەشتیان بۆ تورکیا کردبوو، بەڵام دوای هێرشەکەی حەماس لە ٧ی ئۆکتۆبەر بۆ سەر ئیسرائیل ئەنجام‌درا و دوواتر شەڕی غەزە دەستی پێکرد، ژمارەی ئەو هاووڵاتییە ئیسرائیلیانەی لە مانگی ژانڤییەی ئەمساڵدا سەردانی تورکیایان کردووە، تەنیا ٤ هەزار کەس بوونه.

حکومەتی تورکیا لە سەرەتای دەستپێکردنی شەڕی غەزەوە ڕەخنەی زۆر توندی ئاڕاستەی حکومەتی ئیسرائیل کردووە.

لە نێو وڵاتانی عەرەبی‌دا، سەردانی هاووڵاتیانی عەرەبستان بۆ تورکیا  لە مانگی یەکەمی ئەمساڵی زایینی‌دا سەدا ٣٠ هەڵکشانی بەخۆیەوە دیتووە.

بەگوێرەی ڕاپۆرتی وەزارەتی گەشتوگوزاری تورکیا، ساڵی ڕابردوو تورکیا میوانداری لە نزیکەی ٥٠ ملیۆن گەشتیاری بیانی کردووە و ٥٤ ملیار دۆلاریشی قازانج کردووە. کەچی بۆ ئەمساڵ پێش‌بینی هاتنی ٦٠ میلیۆن گەشتیار و قازانجی ٦٠ ملیاردی دەکات.

هاوکات لە ڕاپۆرتێکی نوێدا، ناوەندی ئاماری تورکیا کەمبوونەوەی ژمارەی کڕیارانی خانووی بیانی لەم وڵاتەی ڕاگەیاند و نووسیویەتی لە مانگی یەکی ئەمساڵدا دوو هەزار و ٧٣٣ یەکەی نیشتەجێبوون لەلایەن بیانییەکانەوە کڕدراون. پێش هێرشە سەربازییەکەی ڕووسیا بۆ سەر ئۆکرانیا، ژمارەی پێوانەیی کڕیارانی بیانی خانووبەرە لە تورکیا هی ئێرانییەکان بوو، بەڵام ئەم ڕێژەیە لەمساڵدا نزیکە لە نیوە دابەزیوە.

تێبینییەکەت بنووسە

سیاسەت

جێبەجێ‌کردنی ٥٥ سزای جیاواز لەلایەن حکومەتی بایدنەوە لەدژی ئێران

۹ ڕەشەمەی ۱۴۰۲
خوێندنەوەی وتارە لە ۱ خولەکدا
جێبەجێ‌کردنی ٥٥ سزای جیاواز لەلایەن حکومەتی بایدنەوە لەدژی ئێران