بە پێی ڕاپۆرتی ئاژانسی هەواڵی کوردپا، ڕۆژی چوارشەممە ٢٩ی خاکەلێوەی ١٤٠٣، سێ هاووڵاتی کورد بە ناوەکانی "مۆحسێن ئەحمەدیئەقدەم" تەمەن ٣٤ ساڵە کوڕی حەسەن، "ڕەسوڵ یووسفیئازەر" تەمەن ٢١ ساڵە کوڕی ئیبڕاهیم، "حەسەن یووسفیئازەر" تەمەن ٣٩ ساڵە کوڕی فەتاح، خەڵکی گووندی بەفرەوان سەر بە شاری مەهاباد، لە لایەن هێزە ئەمنییەکانەوە دەستبەسەر کران.
بەگوێرەی سەرچاوەیەکی ئاگادار، هێزە ئەمنییەکان بە بێ پێشکەشکردنی بەڵگەی یاسایی، ئەم سێ هاووڵاتییەیان لە ماڵی بنەماڵەکانیان دەستبەسەر کردووە.
ئەم سەرچاوە زیادی کرد: ئەم سێ هاووڵاتییە کوردە بە مەبەستی لێپرسینەوە بۆ دەستبەسەرگە ئەمنییەتێکانی شاری مەهاباد و ورمێ گوازراونەتەوە.
ئەم سەرچاوە ڕایگەیاند: بەدواداچوونی بنەماڵەی ئەو سێ هاووڵاتییە بۆ زانینی چارەنووسیان بێ ئەنجام بووە.
تا ساتی بڵاوکردنەوەی ئەم هەواڵە، هیچ زانیارییەک لەسەر هۆکاری دەستبەسەرکردن و تۆمەتی ئەو سێ هاووڵاتییە کوردە لەبەردەستدا نییە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە