۲۲ اسفند ۱۴۰۰-جو ایل بازار گونو تهراندا یاشایان شهرام نجف تومرائی آدلی بهایی وطنداش توتولاراق جزاسینی چکمک اوچون اوین حبس‌خاناسینا کؤچورولوب.
۱۳۹۸-جی ایلین آذر آییندا تهران اینقیلاب محکمه‌‌سی بهایی وطنداشی ایکی ایل مدتینه آزادلیقدان محروم ائدیب.
بو حؤکم اونون ۱۳۹۴-جو ایلین آذر آیینداکی توتولماسی ایله باغلی چیخاریلیب.
اطلاعات ناظرلیگی‌نین مامورلاری ۱۳۹۴-جو ایلین ۲۵ آذرینده چارشنبه گونو سحر شهرام نجف تومرائی‌نی ائوده حبس ائتدیلر. او، مووقتی ساخلانما مدتیندن سونرا گیروو قارشیلیغیندا سربست بوراخیلیب. جناب نجف تومرائی حبس اولونارکن اونا اؤزل چوخلو سایدا شخصی و دینی اشیالار دا مامورلار طرفیندن موصادیره ائدیلیب.
ایرانداکی بهایی وطنداشلار آردیجیللاری‌نین سایینا گؤره ان بؤیوک دینی آزلیقدیر، آنجاق بهایی دینی ایران ایسلام جمهورییتی‌نین آنایاساسیندا دینی آزلیق کیمی تانینمیر.
بهایی اینانجی‌نین ایران آنایاساسیندا تانینماماسی رژیم مامورلارینا سون ۴۰ ایلده بهاییلری دؤولت ایشی، ائیتیم حوقوقو و دینی آیینلر کیمی ان آز مدنی حوقوقلاردان محروم ائتمک اوچون بهانه یارادیب.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی مسوول شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان مسووللارین لیستینه باخین: www.ostanwire.com
یوروم یازماق