ڕۆژی شەممە ٢٥ی پووشپەڕ، دەیان هاوڵاتی لە ورمێ و تەورێز بەهۆی ئەنجام دانی گردبوونەوەی ناڕەزایی بەرامبەر بە وشک بوونی دەریاچەی ورمێ دەستگیر کران.
بەپێی ئەو زانیارییانەی دەستی ئێرانوایەر کەوتووە، هێزە ئەمنییەکان پێش دەستپێکردنی گردبوونەوەکان، "حەمید پووروەلی" و "یونس مەحموودی" دوو چالاکی مەدەنیی خەڵکی تەورێزیان دەستگیر کردووە.
وەک ئێرانوایەر زانیویەتی، لە ڕاستەی بازاڕی تەورێزیش زیاتر لە ١٠ هاوڵاتیی دیکە دەستگیر کراون.
⭕️آغاز تظاهرات در #ارومیه#قیام_سراسری مردم آذربایجان در اعتراض به خشک شدن #دریاچه_ارومیه وضعیت بد اقتصادی
— SIDRA (@SIDRAN80) July 16, 2022
شنبه ۲۵ تیر ⬇️ pic.twitter.com/kpaaByVaK0
هەروەها "هووشەنگ نەقیزادە"، چالاکی مەدەنیی خەڵکی ورمێ چەند کاتژمێرێک پێش ناڕەزاییەکان لەو شارە دەستگیر کراوە.
لەلایەکی دیکەوە، پۆلیسی ئاسایشی ورمێ پەیوەندی تەلەفۆنی بە چەندین چالاکی مەدەنیەوە کردووە و هەڕەشەی لێکردوون، ئەگەر بەشداریی نڕەزاییەکان بن دەستگیریان دەکات.
ناوەندە ئەمنییەکان هەروەها هەوڵی دەستگیر کردنی "شاهین بەرزەگەر"، چالاکی مەدەنیی خەڵکی تەورێزیان داوە، بەڵام چون لەماڵ نەبووە نەیانتوانیوە دەستگیری بکەن.
دەریاچەی ورمێ ساڵی ١٣٥٤ وەک یەکێك لە گۆلە هەرە گرنگەکانی جیهان تۆمارکرا و لە ساڵی ١٣٥٦دا لەلایەن رێکخراوی پەروەردە، زانست و کولتووریی نەتەوە یەکگرتووەکان (یونێسکۆ)وە خرایە ڕیزی شوێنە پارێزراوەکانی ئەو ڕێکخراوەوە.
وشکبوونی دەریاچەی ورمێ لە کۆتاییەکانی هەفتاکانی هەتاوییەوە دەستیپێکرد، تا ئەو ئاستەی لە ساڵی ١٣٩٤دا ٨٨%ی ڕووبەری ئەو دەریاچەیە وشک بوو.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
تێبینییەکەت بنووسە