هاوکات بە مانگرتنی گشتی لە شارەکانی کوردستان و ناڕەزایی هاوڵاتیان لە سەرتاسەری ئێران بەرامبەر بە کوژرانی ژینا ئەمینی، ڕۆژنامەی "هەم‌میهەن" ڕایگەیاند، سەرۆکی پۆلیسی "ئەمنییەتی ئەخلاق"ـی تاران لە پۆستەکەی دوور خراوەتەوە.
ئەمڕۆ دووشەممە ٢٨ی خەرمانانی ١٤٠١، ڕۆژنامەی "هەم‌میهەن" نووسی، سەرهەنگ میرزایی لەکاتێکدا لە پۆستی سەرۆکایەتی پۆلیسی ئەمنیەتی ئەخلاقی تاران دوورخراوەتەوە کە بەپێی بانگەشەی خۆی لەکاتی کوژرانی ژینا ئەمینی دا لە گەشتی چلەی ماتەمینی "ئیمام حسێن" بووە.
ژینا ئەمینی، ڕۆژی چوارشەمە، ٢٣ی خەرمانان بەهۆی توندووتیژیی هێزەکانی گەشتی ئیرشادی تاران چووە کۆماوە و ڕۆژی هەینی گیانی لەدەستدا، گەشتی ئیرشاد یەکێکە لە دامەزراوەکانی پۆلیسی ئەمنییەتی ئەخلاق.
وەک میدیا ئێرانییەکان ڕایانگەیاندووە، لەکار دەرکرانی میرزایی لەسەر فەرمانی "حەسەن ڕەحیمی"، فەرماندەی پۆلیسی تارانی پایتەخت جێبەجێ کراوە.
هاوکات "غوڵام‌حسێن ئێژەیی"، سەرۆکی دەزگای دادی کۆماری ئیسلامی وتوویەتی، "چاوپۆشی نەکردن لە هەڵەکانی بەرپرسانی حکومەت یەکێکە لە شانازاییەکانی کۆماری ئیسلامی."
ئێژەیی هەروەها بەڵێنی داوە بە بنەماڵەی ئەمینی کە "بەخێرایی و وردی بەدوواداچوون بۆ کەیسی مەهسا ئەمینی دەکرێت."
لە ڕۆژی ٢٢ی خەرمانانەوە لە هەواڵی گیان لەدەستدانی ژینا ئەمینی بڵاو بۆتەوە، تووڕەیی و ناڕەزایی هەموو بەشەکانی کۆمەڵگای کوردستان و ئێرانی داگرتووە.
هەموو شارەکانی کوردستان ئەمڕۆ دووشەممە لە مانگرتنی گشتی دان و لە هەندێک شاری دیکەش لەوانە دیواندەرە هاوڵاتیان ڕژاونەتە سەر شەقام.
بەپێی ڤیدیۆی گردبوونەوەکانی هاوڵاتیان، هێزە ئەمنییەکان تەقەیان لە ناڕازیان کردووە لە دیواندەرە و ژمارەیەک هاوڵاتی بریندار بوون.
🎥 هاوڵاتیەک لە دیواندەرە برینداردەبێت
— ئێران وایەر (@kurdishiranwire) September 19, 2022
ئەمڕۆ دووشەممە ٢٨ی خەرمانان، هێزە ئەمنی و سەربازییەکانی #کۆماری_ئیسلامی بە چەکی گەرم ڕووبەڕووی گردبوونەوەی ناڕەزایی خەڵکی #دیواندەرە بوونەوە و لانیکەم یەک کەسیان بەگولـلەی ساچمەیی بریندار کرد.#ژنان #ژینا_ئەمینی #كوردستان #مهسا_امینی pic.twitter.com/7vWqeVhdet
هاوکات خوێندکاران لە زانکۆ جیا جیاکانی تاران، لەوانە "پۆلی‌تێکنیک" (ئەمیرکەبیر)، "عەلامە تەباتەبایی"، "بەهەشتی" و "تەربیەت مودەریس" تەڤڵی ناڕەزاییە گشتییەکان بوون و لە زانکۆکانیان گردبوونەوەیان ئەنجام دا.
🎥هەرای کوردستان‌گۆڕستانی‌فاشیستان لەتاران دەزرینگێتەوە
— ئێران وایەر (@kurdishiranwire) September 19, 2022
ژمارەیەک لە خوێندکارانی زانکۆ "تەربیەت‌مودەریس"ـی #تاران وەک ناڕەزایی بەرامبەر بە کوژرانی #ژینا_ئەمینی گردبوونەوە و دروشمی "#کوردستان کوردستان، گۆڕستانی فاشیستان"یان وتەوە.#ژن_ژیان_ئازادی #ژنان #مهسا_امینی #مانگرتنی_گشتی pic.twitter.com/DnA0Tfe3UK
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
تێبینییەکەت بنووسە