بەپێی دوایین زانیارییەکان لە سەقزەوە، لانیکەم ١٤ هاوڵاتی لە ناڕەزاییەکانی ڕۆژی ڕابردووی شاری سەقزدا برینداربوون.
زۆربەی ئەو هاوڵاتیانە بە گولـلەی ساچمەیی گاردی تایبەتی پۆلیس برینداربوون و ڕەوانەی نەخۆشخانەی تەورێز کراون.
بەشێک لەو هاوڵاتیانە گولـلە بەر چاویان کەوتووە و وەک دەوترێت بیناییان لە دەست داوە.
"فواد قەدیمی"، ئەو گەنجە دیواندەرەییەی شەوی دووشەممە ٢٧ی خەرمانان بەگولـلەی هێزە ئەمنییەکان بریندار و خرابووە ژێر چاودێڕیی پزیشکییەوە، بەیانیی ئەمڕۆ ٣٠ـی خەرمانان گیانی لەدەست دا.
لەماوەی سێ شەوی ڕابردوودا، تەنیا لە شاری سەقز لانیکەم ٨٣ هاولاتی دەستگیر کراون کە "هیوا ڕەسوڵی"، "ئەحمەد زارعی" و "میدیا ڕەحیمیپوور" دووان لەوانن.
یەکێتی ئازادی کرێکارانی ئێران ڕایگەیاند، "مەسعود کوردپوور" و "خۆسرۆ کوردپوور"، پەیامنێرانی ئاژانسی هەواڵی موکریان لە بۆکان دەستگیر کراون.
کەشی زۆربەی شارەکانی کوردستان بەتایبەتی سنە و سەقز بەئامادەبوونی چڕی هێزە ئەمنییەکانی حکومەت بەسەربازی کراوە.
تاوەکو ئێستا، هیچ زانیارییەکی تەواو سەبارەت بە ژمارەی دەستگیر کراوان لە کوردستان لەبەر دەستدا نییە.
ناسنامەی دووان لە دەستگیر کراوانی سنە بە "گەشین محەمەدیان" و "فەرهاد سەنەندەجی" ڕاگەیەندراوە.
"ماهرۆ هیدایەتی"، "بەهار زەنگیبەند" و بەشێکی دیکەی ئەندامانی ئەنجومەنی "ژیڤانۆ"ش هەر لە سنە دەستگیر کراون.
لە دەستگیر کراوانی دیکەی کوردستان هەروەها دەکرێت ئاماژە بە "دانیال سەبووری"، "ئازادە جەماعەتی"، "ئەحمەد غوڵامی" لە سنە و "ئیحسان فەتاحی" لە کامێران بدرێت.
"فەرجاد دەروێشی"، ئەو گەنجەی لەناڕەزاییەکانی ورمێدا بەتەقەی هێزی حکومەت کوژرا، نیوەڕۆی ٣٠ـی خەرمانان بەزایەڵەی دروشمی "شەهید نامرن" لەزاری سەدان هاوڵاتییەوە، لە گوندی باڵوو ئەسپەردەکرا.
ساعاتی پیش، پیکر #فرجاد_درویشی، جوان معترضی که شب گذشته در اثر تیراندازی نیروهای ضدشورش در ارومیه کشته شده بود با حضور صدها نفر در روستای بالو این شهرستان به خاک سپرده شد.
— شبکه حقوق بشر کردستان (@KurdistanHRN) September 21, 2022
با وجود حضور گسترده نیروهای امنیتی، مردم شعارهای “مرگ بر دیکتاتور" و "شهید نمیمیرد" سر دادند.#مهسا_امینی pic.twitter.com/X9dRcMFADo
لەلایەکی دیکەوە، لەناڕەزاییەکانی شەوی ٢٩ی خەرماناندا نەوجەوانێکی تەمەن ١٦ ساڵ بەناوی "زەکەریا خیاڵ" لە پیرانشار بە تەقەی هێزە ئەمنییەکان کوژراوە.
📸گیانبەختکردووانی شەوی ڕابردوو
— ئێران وایەر (@kurdishiranwire) September 21, 2022
بەپێی هەواڵێکی"هەنگاو"، لەناڕەزاییەکانی شەوی ٢٩ی خەرماناندا دوو هاوڵاتی بە گولـلەی هێزەکانی حکومەت کوژراون.
ناسنامەی ئەو دوو هاوڵاتییە بە زەکەریا خیاڵ، تەمەن ١٦ ساڵ و خەڵکی #پیرانشار، و فەرجاد دەروێشی، خەڵکی #ورمێ ئاشکراکراوە.#ژینا_ئەمینی #ژنان pic.twitter.com/VlHGn82VF3
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
تێبینییەکەت بنووسە