ڕێکخراوی مافی مرۆڤی "هەنگاو" ئاشکرای کرد، زیندانییەکی سیاسیی خەڵکی کرماشان سێ ڕۆژ پاش ئازادبوونی لە زیندانی ناوەندیی پاوە، کۆتایی بە ژیانی خۆی هێناوە.
بەپێی ئەو هەواڵە، "سیاوەش بەهرامی"، تەمەن ٢٩ ساڵ ڕۆژی شەممە ٧ی جۆزەردان بە خواردنی دەرمان و حەب خۆی کوشتووە.
هەنگاو نووسیویەتی کە تەرمی ئەو زیندانیە سیاسییە لە ئێستادا لە ساردخانەیە و ڕادەستی بنەماڵەکەی نەکراوەتەوە.
وەک ئاشکرا کراوە، سیاوەش بەهرامی باوەڕمەندی ئاینی یارسان و خەڵکی گەڕەکی دەرەدرێژی کرماشان بووە.
بەهرامی مانگی ڕەشەمەی ساڵی ڕابردوو کاتێک بەرەو هەرێمی کوردستان بەڕێوەبوو لە سنووری نەوسوود لەلایەن هێزەکانی ئیدارەی ئیتلاعاتەوە دەستگیر کرا و لەو کاتەوە تا سەرەتای مانگی جۆزەردان لە زیندانی ناوەندی پاوەدا ڕاگیرا.
بەپێی هەواڵەکان، سیاوەش بەهرامی پێشتر بۆ ماوەیەک ئەندامی "پارتی ئازادیی کوردستان" (پاک) بووە و پاش جیابوونەوە لەو حزبە گەڕاوەتەوە کرماشان.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
تێبینییەکەت بنووسە