کاسبکارانی بازاڕێکی تاران مانیان گرت لە کار و گردبوونەوە

ڕۆژی یەکشەممە ٢٢ی جۆزەردانی ١٤٠١، کاسبکارانی بازاڕی "ئەمین حوزوور"ی تاران دووکانەکانیان داخست و گردبوونەوەی ناڕەزاییان ئەنجام دا. ڕۆژی ڕابردوو بەهای دۆلار لە بازاڕی تاران بۆ ٣٢ هەزار و ٨٠٠ تمەن بەرزبووەوە، ئەمەش بەرزترین بەهای دۆلارە لە مێژووی بازاڕی دراوی ئەو وڵاتەدا. 

بەگوێرەی ئەو ڤیدیۆیانەی بڵاوکراونەتەوە، ژمارەیەکی بەرفراوانی کاسبکارانی بازاڕەکە پاش داخستنی دووکانەکانیان دەست دەکەن بە ڕێپێوان و بە وتنەوەی دروشمی "دایبخەن دایبخەن" داوا لە هاوپیشەکانیان دەکەن بەشداری گردبوونەوەکە بن.

موج اعتراضات به وضعیت وخیم اقتصادی ایران به بازاریان تهران رسیده و روز یکشنبه ۲۲ خرداد، کسبه سه راه امین حضور تهران با بستن مغازه‌های خود اقدام به برگزاری تجمع اعتراضی کردند.در این ویدیو کاسبان با شعار «ببندید، ببندید» از همکاران خود می‌خواهند به تجمع بپیوندند.#اعتراضات_سراسری pic.twitter.com/N8CP16M88y

— ایران وایر (@iranwire) June 12, 2022

کاسبکارانی ناڕازی هەروەها بە وتنەوەی دروشمگەلی "کێشەمان چارەسەر نەبێ، تاران قیامەت دەبێ" و "مەترسن مەترسن، ئێمە هەموو پێکەوەین" ناڕەزایی خۆیان دەربڕی بەرامبەر بە خراپیی باری کار و کاسبی.

🎋#ایران : یکشنبه ۲۲ خرداد ۱۴۰۱
🔴#تهران-الان
✊مشکل ما حل نشه تهران قیامت میشه pic.twitter.com/CpHBTcYzrh

— Farid Azad (@FaridAzad2020) June 12, 2022

بەگوێرەی هەواڵەکان، پۆلیس دەستێوەردانی گردبوونەوەی ئەو کاسبکارانەی کردووە و ئەوەش بۆتە هۆی ئەوەی گرژی بکەوێتە نێوان ناڕازییان و پۆلیسەوە.

هێزەکانی پۆلیس سەرەڕای هێرش کردنە سەر ناڕازییان، تابلۆ و جامخانەی هەندێک لە دووکانەکانیان شکاندووە.

لە چەند ڤیدیۆیەکی دیکەدا دەبیندرێت کە ناڕازییان بە وتنەوەی "بێ‌شەرەف بێ‌شەرەف" بەرپەرچی هێرشی پۆلیس دەدەنەوە.

گردبوونەوەی ناڕەزایی ئەمڕۆی بازاڕی ئەمین حوزووری تاران ڕۆژێک پاش ئەوە دێتە ئاراوە کە بەهای دۆلار لە بازاڕەکانی تاران گەیشتە ٣٢ هەزار و ٨٠٠ تمەن، ئەمەش بەرزترین بەهای دۆلارە لە مێژووی بازاڕی دراوی ئەو وڵاتەدا.