زیندانییەکی سیاسی هەڵاتووە لە ئێڤینی تاران

ئەمڕۆ چوارشەممە ٢ی خەرمانانی ١٤٠١، "محەمەد موقیمی"، پارێزەر لە هەژماری تویترەکەیدا هەواڵی هەڵاتنی زیندانییەکی سیاسی بەناوی "فەرهاد سەلمان‌پوور زەهیر" لە زیندانی ئێڤینی ڕاگەیاند.

محەمەد موقیمی نووسی: "دوێنێ ١ی خەرمانان بریگرتەیەکی کۆنم بەناوی فەرهاد سەلمانپۆوور زەهیر، بەشێوەیەکی بوێرانە و زیرەکانە لەڕێگەی پلانێکی ئاڵۆز و تەکنیکییەوە  سەربازە ونەکانی ئیمام زەمانی هەڵخەڵەتاند و لە زیندانی ئێڤین هەڵات."

دیروز یکم شهریور موکل سابقم #فرهاد_سلمانپور_ظهیر زندانی سیاسی، در حرکتی جسورانه و زیرکانه با اقدامی بسیار پیچیده، فنی، شیک و مجلسی با گمراه کردن #سربازان_گمنام_امام_زمان از زندان اوین فرار کرد. pic.twitter.com/L1YRrCSqTJ

— Mohammad Moghimi (@Moghimi_Lawyer) August 24, 2022

هەژمارێکی دیکە لە تویتێردا، فایلی دەنگیی پەیوەندییەکی تەلەفۆنیی ڕۆژی ٣٠ی گەلاوێژی فەرهاد سەلمان‌پووری بڵاوکردۆتەوە، کە تیایدا باس لە کوژرانی زیندانیەکی سیاسیی دیکە بەناوی "شاهین ناسری‌نەژاد" دەکات.

پیام صوتی #فرهاد_سلمانپور_ظهیر در مورد قتل شهید #شاهین_ناصری از زندان تهران_بزرگ
امروز سه شنبه ۳۰ شهریور ۱۴۰۰
زندانی سیاسی شاهین ناصری که در رابطه با دیدن صحنه شکنجه #نوید_افکاری افشاگری کرد چند روز پیش در سالروز شهادت نوید افکاری او را در انفرادی زندان کشتند #ProsecuteRaisiNOW pic.twitter.com/K3Q9grmQkt

— neda azadi (@parvinamiri1) September 21, 2021

شاهین ناسری‌نەژاد پاش ئەوەی لەسەر ئەشکەنجەکانی "نەوید ئەفکاری" لە بەندیخانەی "عادڵ ئاباد"ی شیراز شایەتی دا، بۆ بەندیخانەی فەشافویەی تاران دوورخرایەوە و ڕۆژی ٣٠ی خەرمانانی ١٤٠٠ لەو بەندیخانەیەدا بەشێوەیەکی گوماناوی گیانی لەدەستدا.

پاش ئەم توییتە، "محەمەدحسێن ئاغاسی"، پارێزەری فەرهاد لە تویتێرەکەیدا نووسی: "بابەتی هەڵاتنی فەرهاد لە زیندان بۆتە هۆی نیگەرانیی زۆری بنەماڵەکەی، ئەوەش بەهۆی پەیوەندییەکی تەلەفۆنییەوەیە کە لە زیندانی ئێڤینەوە پێیانەوە کراوە و پێیان وتراوە فەرهاد لە زیندان هەڵاتووە. بەهەر حاڵ فەرهاد بە تەلەفۆن هەڵاتنەکەی ڕاگەیاندووە و ئێستاش دیار نییە لە کوێیە."

موضوع فرار فرهادسلمانپور ازاوین،خانواده اورابشدت نگران کرده.
نگرانی آنان ناشی ازمفهوم تماسی است که ظاهرا از زندان ، شخصی ادعاکرده فرارساختگی است. بهرحال فرهاد تلفنی فرار خود را اعلام نموده ولی اینک هیچ اثری از او نیست. pic.twitter.com/13N4wLfbF9

— محمد حسين آقاسي MOHAMAD H AGHASI (@Mhaghasi1) August 24, 2022

تۆزێک دواتر بەڕێز ئاغاسی لە ڕوومێکی کلاب‌هاوسدا وتی: "فەرهاد دوو ساڵ پێش ئێستا پپێی وتم بەنیازی هەڵاتنە لە زیندان، من قسەم لەگەڵ کرد و پاشگەزم کردەوە، بەڵام وادیارە دوێنێ لە دادسەرای زیندانی ئێڤینەوە هەڵاتووە."

ئەو پارێزەرە هەروەها باسی ئەوەی کرد، کە یەکێک لە تۆمەتەکانی فەرهاد سەلمانپوور ئاشکراکردنی کوژرانی "شاهین ناسری‌نەژاد" بوو لە زیندانی فەشافویەدا بە ئەشکەنجە.

وتیشی، خۆی یەکێکە لە پارێضەرانی بنەماڵەی ناسری‌نەژاد و سکاڵایەکیان لەسەر کوژرانی شاهین لەدژی بەرپرسانی زیندانی فەشافویە تۆمار کردووە.

شاهین ناسری‌نەژاد لە تۆمارێکی دەنگیدا کە لە مانگی خەرمانانی ١٣٩٩دا گەیشتبووە دەستی "ئێران‌وایەر" وتبووی، بەڕێکەوت ئاگای لێ بووە کە نەوید ئەفکاری چۆن ئەشکەنجەدراوە.

هەروەها وتبووی کە لە سێ دادسەرادا بەشێوەی نووسراو و زارەکی شایەتی داوە لەسەر ئەشکەنجەدانی نەوید ئەفکاری، بەڵام شایەتییەکەی قبوڵ نەکراوە.

نەوید ئەفکاری، پاڵەوانی زۆرانی ئێرانی یەکێک بوو لە دەستبەسەرکراوانی ناڕەزاییە سەرتاسەرییەکانی مانگی گەلاوێژی ١٣٩٧ لە شیراز کە لە مانگی خەرمانانی ١٣٩٩دا  بەتۆمەتی "موحاربە" و "کوشتنی کارمەندی ناوەندێکی ئەمنی" لەسێدارەدرا.